სუნამო

GOLD

სამი სურნელი. ერთი სულისკვეთება.
ქვევრის ფორმაში არომატად დაწურული ეროვნული ისტორია

1 - GOLD სიმამაცისთვის
2 - SILVER ხედვისთვის
3 - COPPER დიდებისთვის
 

TSIKOLIA GOLD – Battlefield

მათთვის, ვინც არ ირჩევს მარტივ გზას

Tsikolia Gold - ეს არომატი არ არის ყველასთვის!

და აი, რატომ:

მანდარინის სხივი აუღელვებლად იღვინთება ჰაერში, როგორც სიმშვიდის ელფერი ბრძოლის წინ, ჯანჯაფილი სხივს მგზნებარებას სძენს - შინაგან ალს, რომელიც გონებას აღვიძებს და სხეულს ამზადებს. ვარდისფერი წიწაკა ამძაფრებს ფოკუსს, ხოლო შუაგულში ჩნდება შავი ვარდის მკაცრი და დაუვიწყარი მიმზიდველობა, რომელიც ყველა გრძნობას აძლიერებს. მის გვერდით იღვიძებს ნავთის აკორდი - ინდუსტრიული, მწველი სიმძაფრე, დენთის სუნთან ერთად დაძაბულ მოლოდინს რომ ქმნის. სწორედ აქ იწყება გარდატეხა: სიღრმეში ჩნდება ვანილი, თითქოს შვებით ამსუბუქებს  დაძაბულობას, მასთან ერთად კი მირთი და საკმეველი, როგორც შინაგანი რიტუალი. ფისოვანი და წიწვოვანი ნოტები საწყისთან გაბრუნებს: ტყის სუნთან, მიწის არსთან, გარინდებასთან -

იქ, სადაც დრო აღარ არსებობს.

მხოლოდ მზაობაა.

მხოლოდ შენ.

მხოლოდ სუნთქვა.

ამიტომ, Gold აღარაა მხოლოდ არომატი - ის შენი პოზიციაა!

როგორ იქმნებოდა

Tsikolia GOLD შეიქმნა დიზაინერ ზვიად ციკოლიას მრავალწლიან შემოქმედებაზე დაყრდნობით — პორტფოლიოდან, სადაც ზუსტი ხაზები, ტექნიკური სისუფთავე და ფორმაში დაფარული მნიშვნელობები ერთიანდება.

სურნელის ავტორია ცნობილი ფრანგი პარფიუმერი Antoine Lie, რომლისთვისაც ეს არომატი იქცა იდეის სურნლად — სიტყვების გარეშე წარმოთქმულ განწყობად.

ფლაკონი ქვევრის ფორმას იმეორებს - როგორც უნიკალური ქართული სიმბოლო, რომელიც წარსულთან კავშირის ნაცვლად მომავალში გადატანილ ფესვად იქცევა.

რატომ ქვევრი?

“ქართული, უნიკალური, ავთენტური დიზაინი. ჩვენ ძალიან ცოტა რამ გვაქვს რაც საქართველოსთან იგივდება და ქვევრი არის ჩვენი ერთ-ერთი საგანძური.ჩვენი გამოგონებულია... ღვინის დასაყენებელი ჭურჭელი რომელიც ქართველებმა გამოიგონეს 5000 წლის წინდახვეწილი ფორმებით და გამართული ტექნოლოგიით. 21-ე საუკუნეში აუცილებელია მისი პოპულარიზაცია. სუნამო ქვევრის ფორმაში, იდეა და მიზანი სწორედ ეს არის.“- ზვიად ციკოლია

არომატული ნოტები:

მანდარინი · ჯინჯერი · ვარდისფერი წიწაკა
შავი ვარდი · ნავთი · დენთი
ვანილი · მირთი · საკმეველი · წიწვოვანი ფისები
 

გამორჩეული მახასიათებლები:

• შეიქმნა ზვიად ციკოლიასა და Antoine Lie-ის თანაშემოქმედებით

• უნიკალური ბოთლი ქვევრის ფორმით

• ექსკლუზიურად შექმნილი, კოლექციური შეფუთვა

• დამზადებულია საფრანგეთში

SILVER

სამი სურნელი. ერთი სულისკვეთება.
ქვევრის ფორმაში არომატად დაწურული ეროვნული ისტორია

1 - GOLD სიმამაცისთვის
2 - SILVER ხედვისთვის
3 - COPPER დიდებისთვის

TSIKOLIA SILVER – Metallic Reflection
მათთვის, ვინც სიმაღლეს თავად ირჩევს

ზღვის თავზე, ღრუბლებს მიღმა მოლივლივე თვითმფრინავი მზის სხივებს ირეკლავს… Tsikolia SILVER სწორედ ამ კადრით იწყებს სურნელოვან მოგზაურობას - იქ, სადაც სიმაღლე თავისუფლებაა, მეტალი - წესრიგი.

ეს არომატი არ ქმნის ილუზიას ის ქმნის მიმართულებას. ის არ მიყვება სუნთქვას ის წარმართავს მას.

აი, როგორ:

ქინინის სიმწარე ცივი გადაწყვეტილების იმპულსია. თითქოს პირველი ინსტრუქციაა კაბინაში, სადაც ყოველი დეტალი გააზრებულია. ის გონებას ამახვილებს, სხეულს ამობილიზებს, და სივრცეს ფოკუსირებულად აღქმას ასწავლის. თეთრი მეტალის აკორდი არქიტექტურულ სუნთქვად იქცევა - სუფთაა, აბსტრაქტული, მაგრამ მწყობრი. ეს სტრუქტურაა - ჰაერში აგებული კონსტრუქცია, რომელსაც თვალით ვერ დაინახავ, მაგრამ ინსტინქტურად მიყვები. მუშკი არ დომინირებს, ის ქმნის ატმოსფერულ ხაზს, რომელიც სუნთქვას ამშვიდებს და არომატს კანის გრძნობას აძლევს. კედარი და სანდალის ხე აქ აღარ ასახავენ სტრუქტურას, ისინი მოქმედებენ. არა როგორც აკორდი, არამედ როგორც ბიძგი.
ის, რაც სივრცეს ფორმას აძლევს, და ის, რაც შიგნიდან გკარნახობს, დარჩე ამ მოძრაობაში.

აქ აღარ არის საჭირო დაპირება.
არც მოწონება.
არც ძებნა.

უკვე ხარ იქ, სადაც თავისუფლება აღარ არის ოცნება, ხოლო წესრიგი აღარ არის შეზღუდვა.

Tsikolia SILVER აღარ არის უბრალოდ არომატი - ის არის ფრენის სიმაღლე, რომელსაც შენ ირჩევ.

შექმნის ისტორია

Tsikolia SILVER შეიქმნა დიზაინერ ზვიად ციკოლიასა და ფრანგ პარფიუმერ Antoine Lie-ის თანაშემოქმედებით - იდეიდან, რომელიც სიმაღლეს, ხედვასა და შინაგან წესრიგს აერთიანებს.

“SILVER არ ირეკლავს მხოლოდ მეტალს - ის ასახავს ხედვას. იმ მომენტს, როცა ზემოთ ადიხარ. ქვევრის ფორმაში კი ამ ხედვას ვაბრუნებთ საკუთარ ფესვებთან.“
 - ზვიად ციკოლია

ქვევრი – სიმბოლო, რომელიც მოძრაობს

ფლაკონი ქვევრის ფორმითაა წარმოდგენილი არა როგორც მხოლოდ ფორმა, არამედ როგორც იდენტობის არქიტექტურა, რომელიც წარსულთან კავშირის ნაცვლად მომავალში გადატანილ ფესვად იქცევა.

• გამორჩეული მახასიათებლები:

• შეიქმნა ზვიად ციკოლიასა და Antoine Lie-ის თანაშემოქმედებით

• უნიკალური ბოთლი ქვევრის ფორმით

• ექსკლუზიურად შექმნილი, კოლექციური შეფუთვა

• დამზადებულია საფრანგეთში

არომატული ნოტები

მწარე ქინინი

თეთრი მეტალის აკორდი

რბილი მუშკი

კედარის ხე

სანდალის ხე

COPPER

სამი სურნელი. ერთი სულისკვეთება.
ქვევრის ფორმაში არომატად დაწურული ეროვნული ისტორია

1 - GOLD სიმამაცისთვის
2 - SILVER ხედვისთვის
3 - COPPER დიდებისთვის

TSIKOLIA Copper - Winner Rest
გამარჯვებას თავის სურნელი აქვს

ის გარინდებაა, ნამდვილ გამარჯვებას რომ მოჰყვება: ღრმა სითბო… ან მოულოდნელი ინტიმურობა, რომელსაც მხოლოდ რჩეულები ეზიარებიან  და სწორედ ამ სიმშვიდეში პოულობენ გამარჯვების ნამდვილ ჯილდოს.

…სწორედ ამ სიმშვიდეში იბადება ეს არომატი  არა როგორც ჟესტი, არამედ როგორც მდგომარეობა.

შავი მოცხარის ზეთი პირველ აკორდად იხსნება ჰაერში - როგორც ენერგიული იმპულსი, რომელსაც რომისა და კონიაკის თბილი ტონები მოჰყვება, ქვევრის ღვინის აკორდით გამძაფრებული ის, რაც ძველი და წმინდაა, მაგრამ არასდროს უდროო. სიგარის ქარაგმა ხასიათის სიმტკიცეა. ცხოველური “ბეწვის” ნოტი - ველური და შეუცნობლად მიმზიდველი. ტონკას მარცვლების სითბო ემსგავსება შეხებას, რომელიც თითქოს უკვე იყო, მაგრამ ისევ იგრძნობა. ვარდისფერი ვანილი კი მთელ კომპოზიციას კრავს, როგორც წერტილი, რომელიც ნარატივს სრულყოფს.

სპილენძისფერი ფლაკონი ქვევრის ფორმით - ეს უკვე მხოლოდ ფორმა აღარ არის.

ის ერთგვარი რიტუალია: გამარჯვების გემოს გახსენება, დროის მოხელთება ჭურჭელში, რომელიც ყოველდღე ახალ მნიშვნელობას იძენს. შინაგანი სიმშვიდის სიმბოლოა და საუბრობს სურნელის ენაზე, რომელსაც თარგმანი აღარ სჭირდება.

რატომ ქვევრი?

“ქართული, უნიკალური, ავთენტური დიზაინი. ჩვენ ძალიან ცოტა რამ გვაქვს რაც საქართველოსთან იგივდება და ქვევრი არის ჩვენი ერთ-ერთი საგანძური.ჩვენი გამოგონებულია... ღვინის დასაყენებელი ჭურჭელი რომელიც ქართველებმა გამოიგონეს 5000 წლის წინდახვეწილი ფორმებით და გამართული ტექნოლოგიით. 21-ე საუკუნეში აუცილებელია მისი პოპულარიზაცია. სუნამო ქვევრის ფორმაში, იდეა და მიზანი სწორედ ეს არის.“- ზვიად ციკოლია

სუნამო შეიქმნა ზვიად ციკოლიას ხედვითა და ანტუან ლიეს ოსტატობით - როგორც გამარჯვების არომატული გამოხატულება.

გამორჩეული მახასიათებლები:

• შეიქმნა ზვიად ციკოლიასა და Antoine Lie-ის თანაშემოქმედებით

• უნიკალური ბოთლი ქვევრის ფორმით

• ექსკლუზიურად შექმნილი, კოლექციური შეფუთვა

• დამზადებულია საფრანგეთში

არომატული ნოტები:

ზედა: შავი მოცხარის ზეთი, რომი

შუა: კონიაკის ზეთი, ქვევრის ღვინის აკორდი, სიგარა

ფუძე: ტონკას მარცვლები, ვარდისფერი ვანილი, ცხოველური “ბეწვი”